Menu

Lelanie Roode

About Lelanie Roode

Posts by Lelanie Roode:

NUUSBRIEF 29 OKTOBER 2025

LIEWE LESERS

Oktober die mooiste maand. Ook die maand waarin my geliefde oorlede pa, Carel Roode op 26 Oktober 1945 ’n ronde 80jaar sou geword het. Hy is oorlede 8 September 2018 en ek mis hom elke dag. My pa was en sal altyd my rolmodel wees. By hom het ek soveel geleer. My pa was “gestrem” en die rede waarom ek dit in aanhalingstekens plaas, is omdat hy nooit toegelaat het dat dit hom stuit nie. Met geboorte het sy een kant skade gekry as gevolg van die instrumente wat hulle daardie tyd gebruik het. Sy linkerkant was onder-ontwikkel, fisiek sowel as organies. Hy het kruppel geloop en moes twee pare skoene koop. Een nommer tien en een nommer agt. Die nommer agt moes opgebou word. Nooit het hy met ’n loopstok of kierie gestap nie. Hy het daagliks met pyn saam gelewe. Sy nek, rug, arm, been , voet en enkel was deurlopend seer. Tog het ek hom nie hoor kla nie. Hy was positief en sy determinasie dat niks hom gaan onderkry nie was net een van die baie goed wat ek van hom bewonder en nagestreef het.

My pa was vir elkeen wie se lewe hy aangeraak het ’n inspirasie. Nie alleen het ’n dokter toe hy op hoërskool was vir my ouma (sy ma) gesê dat hy nie lank gaan lewe nie, maar ook dat hy sekerlik nie verder as matriek gaan vorder nie. My pa het tienerseun daardie woorde onthou en vir dié dokter gesê: “ Ek kan en ek wil en ek sal. Ek sal eendag vir jou my graad kom wys!” En hy het. Na matriek het hy chemiese ingenieurswese gaan studeer by Potchefstroom. Hy het die graad behaal asook sy B.Com graad daarna. Hy is geakkrediteer as ’n professionele ingenieur en was jare in die mynwese. Hy was ook een van die jongste Algemene Bestuurders van Gencor se Platinum aanleg: Mineral Processes in Rustenburg. Hy het ook inderdaad daardie einste dokter wat die “uitspraak” oor sy lewe gemaak het (of die gebrek aan ’n lewe) weer besoek. Nooit ooit moet daar aan ’n kind of tiener—’n mens gesê word deur enige iemand dat hy of sy beperkinge het nie. Nee, ek het nog elke dag vir my eie kinders asook myself gesê: “Ek/jy het géén beperkinge nie.”

Dit alles kom saam met geloof soos ’n kind. Ek dien ’n God van Wonderwerke. ’n God vir Wie NIKS onmoontlik is nie. Soos ek in my September-nuusbrief gesels het: Ja, die lewe kom met sy eie “shit happens”. Daar is inderdaad teleurstellings in ons almal se lewe. Alles gaan nie altyd nét goed nie. Dít is nie moontlik nie. Tog, is dit altyd moontlik om ’n positiewe gesindheid te handhaaf. Die vertroue en die sterk staan op Sy Beloftes in Sy Woord. Ek besef al hoe meer in my eie lewe hoe perfek my Vader in elke detail van my lewe betrokke is. Hoe Hy in die tydsverloop is. Hoe hy soos my ma al male sonder tal vir my vertel: “God ken die einde van die begin af.” “God is alreeds daar voor in die pad”, soos my geliefde Cornelius en lewensmaat dit ook baie aanhaal. “Daarom gee ons nie moed op nie.” (2 Kor. 4:16)

In hierdie maand van Oktober en November 2025 het ek Olifant op ’n sweefstok begin vertaal na Engels. Die opvolg daarvan: Val en Sweef is tans by my tweede proefleser. Sodra ek dit van haar af terug ontvang doen ek die veranderinge, verbeteringe en ook bywerkings asook, en die moeilikste: “kill-your-darlings”. Weglatings/”Delete”. Dan wil ek Val en Sweef ook in Engels vertaal. Ek gaan dalk uitstel vra op die publikasie van Februarie of Maart 2026. Die rede hiervoor is juis die feit dat ek die boeke(stories) wil vertaal. Ek geniet dit om in Afrikaans te skryf. Ongelukkig is die wêreld Engels. Die groter en veral die internasionale mark is Engels. As ek enigsins iewers wil begin geld maak met skryfwerk, sal ek noodwendig in Engels moet begin publiseer. Ek wil ook vanaf Januarie 2026 hierdie nuusbrief in Afrikaans sowel as Engels plaas. As ek my boeke/stories in een of albei van die volgende platforms kan kry, sal dit vir my as mens, my skryfwerk begin winsgewend maak. Skrywers kan ’n lewe uit hulle boeke maak, wanneer hulle: 1. Die boeke in die skole kan kry. 2. Dit vertaal kan kry in meer as een taal. (Soveel tale as moontlik) Ek weet my stories is meer as net ’n “warm romanse” Dit gee ’n kykie op hoe die lewe uitspeel in ’n sekere stel omstandighede. Hoe jongmense dink. Die wisselwerkinge tussen persoonlikhede. Die dinamiek tussen goed en kwaad. Hoe verskuilde agendas en geheime, persoonlike verhoudinge kan skaad—vernietig—onherstelbaar verbrokkel. Dat vriendskappe in stand gehou moet word.

Verhoudinge/huwelike vereis harde werk. Om aan dieselfde kant van die tou te trek en jou gewig in te gooi, een honderd persent. Dit help nie een party gee net twintig persent die ander tagtig nie. Die balans kan dan nooit uitwerk nie. Tog, is nie elke party elke dag op ’n plek van selfs vyftig persent nie. Dis dan wanneer mens ná mekaar toe werk. Vandag gee ek tagtig want jy het net twintig in jou “tenk”. Môre werk dit dalk weer andersom. Oormôre is ons albei dan weer op 50/50- en 100/100-%. Dis ’n “give-and-take” en soms is dit net ’n “give-give-give”… Solank daar ten alle tye waardering en respek binne-in die “mix” is en die balans weer herstel word. Dan is dit ’n wen-wen.

Vir die eerste maal in my lewe is ek in só verhouding. Ek is oneindig dankbaar vir hierdie liefde wat ek so onverdiend en gratis uit my Vader se Hand kon ontvang. Vir Cornelius is dit presies dieselfde. Ons dankbaarheid om in totale afhanklikheid van Hom wat ons bymekaar gebring het deur Sy Divine Appointment en Divine Intervention sal regdeur ons lewe ons getuienis bly.  Eers wanneer mens deur die vuuroond gelouter is, sewe maal om die berge moes stap waardeer mens hierdie Guns en Liefde ten volle.

Ek is in Stellenbosch die res van November en Desember. Cornelius kom bly by my een week in November en een week in Desember. My seun kom kuier vir ’n maand vanuit Nederland vir die hele Desember. Hierdie Kersfees het ek AL my kinders en my ma by my. Dit is “peak season” by die ATKV Buffelspoort waar my geliefde werk. Hy gaan moet werk. Ons hoop en glo hierdie is die laaste Kersfees wat ons apart van mekaar sal hoef te wees. Ek vertrek weer einde Desember tot middel Januarie na hom toe. Ons vertrou ons Vader om alles ten goede vir ons te laat meewerk om eendag gou-gou permanent bymekaar te kan wees. Ek laat julle dan ook met hierdie vers: Romeine 8: 28 “Ons weet dat God alles ten goede laat meewerk vir dié wat Hom liefhet, dié wat volgens Sy besluit geroep is.”

Mag November vir julle almal ’n goeie, mooi maand wees. Wees bedag op die “Black November-specials” Moet nie iets koop net vir koop nie, máár as dit nodig is, en dit die Kersgeskenk-lysie meer ekonomies maak, kapitaliseer daarop!

Groetnis en vele seënwense!

NUUSBRIEF 26 SEPTEMBER 2025

Liewe Lesers,

September en lente is hier. In die Noordwes is Lente presies op tyd. In die Kaap glo ek is die seisoene een maand agter. Ek kuier al vanaf 7 September by my geliefde Cornelius in Noordwes Provinsie. Ek sou eers die 20ste September boontoe gereis het. Daar het egter soveel goed gebeur in die eerste week van September dat ek my vliegtuigkaartjie vervroeg het vanaf die 20ste na 7de. Die gebeure wat hierdie besluit ge-aktiveer het was ‘n tragedie asook ‘n leweningrypende situasie van ‘n vriendin. Dít tesame met my pragtige oudste dogter se 30ste verjaarsdag het my weereens laat besef hoe kort (en hoe lank) die lewe regtig is. Hoe vinnig dinge kan verander.

‘n Vriendin van my se kleinkind(3jr) is ‘n frats-ongeluk dood. Net daar verander lewens, (ouma en oupa s’n) uiteraard en natuurlik, onherroeplik ook dié van haar dogter en skoonseun. ‘n Goeie vriendin van my met wie ek nog ‘n koffie-afspraak het die Vrydag, gaan die Woensdag in hartversaking en kry daardie einste koffie-afspraak-Vrydag ‘n drie-dubbele hartomleiding. Dit was “touch&go” vir haar. Daar is dae in ICU, hospitaal, herstel is stadig, maar dit is sekerlik. Sy kry ’n tweede kans op lewe. Daar is nog báie om te doen.

Al hierdie gebeure midde die vieringe van my oudste dogter se 30ste verjaarsdag. Haar lewe is in die fleur. Op dertig jaar is mens oud genoeg om te weet dinge kan verkeerd loop—jonk genoeg om die uitdagings, drome en ideale vierkantig in die oë te kyk en vir hulle te sê: “Bring it on!” In daardie week het ek besef: Die lewe gee en neem. Die lewe moet elke dag gevier word asof dit vandag jou 30ste verjaarsdag is. Jou drome, ideale en werk is doenbaar in elke ouderdom, in elke week, jaar, maand, jaar en jare. Waardeer dit. Dit kan in ’n oogwink weggeneem word, verander of tot niet gaan. Geniet die Genade-tye, die blywees-tye, die liefhê-tye, die koester-mekaar-kuier-tye en die saamwees-tye. Werk moet ons werk. Ophou droom? Nooit! Balans tussen alles—altyd.

Om die lewe met krieket te vergelyk: Die lewe se draaiballe kom sonder waarskuwing. Dit boul jou uit. Jy moet weer-en-weer in die nette gaan oefen. Dan kom daar ook die geleenthede verby waar jy die kans het om ook die viere en sesse te slaan. Vat dit!. Vier dit! Ook die “mudane-times” waar jy bloot net die enkellopies hardloop, draf, stap óf loop … Dán ook net voor die penne staan en blok-vir jou lewe/oorleef-tye. Soms lééf jy. Soms òòrleef jy. Want soos hierbo genoem: “shit happens and bad things happen to good people.”

Op hierdie stadium van ons lewens móét ons noodwendig ’n “commuting marriage.” maak werk. Dit maak nie dat ons ophou droom of ons ideale op “pause” plaas nie. Daarvoor is die lewe te kort. Dis een ding as tieners, twintig-, dertig- of selfs veertig-jariges. Op vyf-en-vyftig het mens daardie “skoolgeld” reeds betaal. Mens weet beter, dat die lewe het sy draaie geloop. Soos my geliefde ook sê: “Ons moes ook maar om die berg loop…” Die Israeliete moes 7x om Jerigo loop, 40jaar in die woestyn swerf. Ek kan tans op enige plek werk, want ek sit en EDIT aan my opvolg-boek. Volgende jaar moet ek noodwendig dalk meer toer met die opvolg: VAL EN SWEEF van OLIFANT OP ’N SWEEFSTOK na dorpe, stede, klein-dorpies, feeste—ek hoop, boek-bekendstellings,-besprekings, skole, funksies en hopelik baie meer. Ons werk met wat ons het …

Vir nou—is my werkstyd buigsaam en hoef ek nie op ’n sekere plek te moet wees om te kan werk nie. Daarom kan ek, waar my geliefde moet verlof neem om te kom kuier, hoef ek dit nie te doen nie. Een van my lewens-motto’s is: “WERK MET WAT JY HET.” Met die lewe wat sò kosbaar is—korter as wat ons dink—langer as wat ons weet. Die lewe gebeur of ons dertig is of sestig, ’n kleuter van drie jaar of tagtig jaar oud.

Dit laat my altyd dink aan die deel in die Bybel in 2Konings 4:1-7 = Die weduwee se olie. Waar sy gevra word: “Wat het jy in jou huis?” Haar antwoord: “Niks nie, behalwe ’n bietjie olie.” Hoeveel maal dink ons, ons het “niks nie”? Tog as ons mooi gaan kyk is daar altyd tòg ’n “behalwe”. Ek het ook vir die Here jare gelede gesê: “Here ek het niks nie. Ek het my beroep en tyd afgestaan aan my kinders, nou het ek ‘niks’ nie. Behalwe ’n pen in my hand.” Net soos met die weduwee het die Here gesê: “Gaan in jou huis in, maak jou deure toe en begin die kanne vol olie maak = begin skryf” Dit is wat (die weduwee) en ek—ons almal moet doen. God doen die “Wonder” , maar ons as mens moet die “werk” doen. Saam is dit ’n Wonder-Werk. Die weduwee moes uitgaan en die olie verkoop. Dalk het sy niks van bemarking en besigheid geweet (of eers van gehou) nie? Nét soos ek: Bemarking en besigheid is nie my ‘forte’ nie. Maar werk móét mens werk. Anders bly daardie “Wonder” net binne-in jou huis. Dit kan en sal nie vír jou kan ‘werk’ voor jý nie in beweging kom nie. Voor jý nie om die berge en deur die dale loop nie…

Já, daar ís teleurstellings: Ek het toe nie die Inspirasie-vrou-2025 se 15-finaliste gemaak nie. Ek wou en het gedink: Dis sal fantasties wees! Klaar gedroom en gehoop van daardie 2de prys wat “Media-dekking” belowe het … Maar dit was (nie nou) vir my beskore nie. Ek wens dié 15 finaliste alle voorspoed toe. Dalk staan ek in 2026 of 2027 ’n kans? Wie weet? Maar van aanhou en uithou—determinasie en geduld en vertrou op God se perfekte Plan leer ek elke dag meer van.

Ek is terug in Stellenbosch die 6de Oktober saam my geliefde tot 14de Oktober. Ons gaan vriende ontmoet, die Stellenbosch Woordfees ondersteun. My droom: Ek gaan óók eendag na daardie Woordfees genooi word. Tot dan—werk ek met wat ek het. Ek reis tussen my 2 huise in die Wes-Kaap en Noordwes Provinsies. Ek werk en woeker voort. Ek is dankbaar vir elke asemteug deur Sy Genade aan my geskenk—want ek weet hoe dit voel om daarsonder te lewe. In ’n ander nuusbrief vertel ek julle van my eie ope-hart-chirurgie en hoe dit ook my hele lewe verander het, soos dit my vriendin s’n met die tripple-bypass . Dit verander, hóé jy na die lewe kyk en dit beleef. Dis korter as wat jy dink. Langer as wat jy weet.

Tot ons mekaar weer ontmoet in Oktober: Onthou: Werk met wat jy het. “Get-up. Chin-up. Dress-up. Show-up. Elke uur, elke dag. Week in en uit. Maand vir maand. Jaar en jare.

Want; daardie: “niks nie—is in jou kop. Die “behalwe”—is in jou huis. God doen die WONDER. Doen jý net jou werk.

Baie sterkte en seënwense.

NUUSBRIEF 27 AUGUSTUS 2025

STEM NOU vir Voelgoed Inspirasievrou 2025

In verlede maand se nuusbrief het ek vertel van werk en woeker voort. Dit is wat ek doen. Ek het die 21ste Augustus teruggekeer vanuit Noordwes Provinsie. Dit was weereens ‘n heerlike kuier saam my geliefde Cornelius. Ons was tuis terwyl hy gewerk het. Daarna het ons ‘n vertoning by Monte Casino bygewoon: Josheph and the Technicolour Dreamcoat. Dit is die moderne weergawe van die Bybelse Josef-storie. ‘n Belewenis! Ons het die aand oorgebly in die Piazza-Hotel. Ek en Cornelius kan die Hotel beslis aanbeveel, veral die buffet-ontbyt die volgende oggend was “spoiled-for-choices”. 

Vandaar is ons na die Kruger Wildtuin. Ons twee het ‘n geskiedenis (bietjie history – soos die jongmense dit sou stel)  met die Schingwedzi-kamp. As jong hoërskool leerders in (standard 8) graad 10 het ons twee gesinne per toeval gelyk by die hekke van Schingwedzi-kamp arriveer. Ons onderskeie pa’s het mekaar gegroet, ek en Cornelius, as skaam sestienjariges het ook kennis geneem dat ons onderskeie gesinne daar is vir ‘n skoolvakansie-week.Ons gesin het heel eenkant gebly (nie in die chalets) nie, maar teenaan die grensdraad. Daardie hele week het Cornelius na my gesoek. Uitgekyk vir my pa se groen Chevrolet. Ek het onbewus van sy soektog op die stoep en soms by die swembad gaan sit, my neus in ‘n boek. Elke aand wanneer die hekke ses uur sluit, het Cornelius geloop van lamplig tot lamplig, om die hele kamp en gedraai by die swembad. Nie eenmaal in daardie sewe dae het ons twee mekaar weer gesien nie. Vandag glo ons saam, die Here en AL Sy engele het ons “blind” gehou. Ons moes mekaar by tye net-net gemis het… Cornelius het gedink dis sy kans om ‘n romanse te begin. Ek en hy is toe pas gekies op die (standerd nege) graad 11 leerlingraad. Dit sou dalk lekker gewees het? Wie weet? Ek was nie verbind of het uitgegaan op daardie stadium nie, en hy ook nie. Tóg, het dit nie gebeur nie. Ons is ná daardie vakansie terug skooltoe. Nie weer gepraat oor die verlore ‘potensiële’ vakansie-romanse nie. Ek het ‘n uitnodiging van ‘n ander skoolmaat aanvaar en hy het met ‘n meisie in ‘n standerd(graad) laer as ons begin uitgaan. Ons was steeds saam op die leerlingraad. Saam alles gedoen. Pouse-vir-pouse saam stoepdiens gedoen. Altyd saam-saam ingedeel op verskillende projekte, maar die ‘romanse-deel’ het ons in Shingwedzi agtergelaat…

So besluit ek en hy ná ons vertoning by Monte Casino. Kom ons ry deur Wildtuin toe. Ons kry wonder-bo-wonder plek in Shingwedzi. Ons bly ‘n aand daar oor en Cornelius – romantikus wat hy is – kondig so tussen die aansteek van ons vuurtjie en die kole wat besig is om te vorm aan: “Ontmoet my by die swembad.” Ons vind ons weg na die swembad wat nog al die jare presies dieselfde lyk. By die swembad trek ons, ons skoene uit en stap op die trappie na die middel van die swembad. En daar KRY ons mekaar toe – ná al die jare (38 jaar – sedert 1986) Cornelius sê toe tereg: “In die tydraam-van-Shingwedzi is dit net die volgende dag.” (die 7de dag) van die aanvanklike week wat ons albei daar was jare gelede. Want nie hy óf ek was sedertdien weer soontoe spesifiek gewees nie. Ons het mekaar nét daar weer “gevind”. Ons liefde bevestig en dit was vir ons “holy ground/water” gewees. ‘n Vol sirkel wat ons moes maak.

Geen wonder ek skryf romanses nie… Ek is en bly die ewige romantic.  Ek is baie dankbaar vir hierdie romantiese man wat hierdie deel van my menswees omhels en waardeer. Ons het in ons kort tydjie in die Wildtuin die wonderlikste “sightings” gehad. Vanaf Leeuwyfies, Kameelperde, Olifante in troppe en in insolasie. Buffels, Blouwildebeeste, Njalas, Waterbokke, baie Rooibokke/Impala’s (natuurlik), die mooiste Visarend, voëls van alles soorte en kleure. Seekoeie, Krokodille, Vlakvarke, Duikers, diere met welpies en kleintjies. Die wildtuin was stil, dis buite-seisoen. Die wintersgras is kaal – mens kan ver-ver in die velde insien. By Letaba het ons melkskommels gedrink, by Mopani lekker middagete. Ons het skitterende, ongelooflike sonsopkomste en skemer-sonsakke teen die bosveld-bome kon waardeer sonder ‘n motor in sig. Die paaie (teer-en-grondpaaie) was stil, soms was ons die enigste motor in kilometers. Dit was die heerlikste wildtuin-ervaring in my lewe. Mense wat my ken, weet: Lelanie kamp nie. Lelanie en die wildtuin is nie vriende nie. Lelanie kies die see. Ek het besef: Dit gaan daaroor met wie mens dit deel… Nie soseer wat mens daar wil doen of sien nie.

Boek/skryfnuus: Ek is tans besig met die 3de draft van: VAL EN SWEEF.  Dit is ‘n tydrowende Editing-proses om deur al my proefleser se nota’s te werk. Ek waardeer AL sy kant-aantekeninge van LOF die meeste. Daar waar Danie Botha vir my skryf: “Uitstekend!” of “Skitterende skryfwerk.” Dit is wat my weer-en-weer die A,B,C = (A-pply-B-ottom-to-C-hair) vir ure aaneen laat doen. Dit maak die oorskryf, herskryf, weer-skryf en weg-(delete/kill-your-darlings-skryf) die moeite werd.

Ek is ook in Augustus genomineer deur: Voelgoed-tydskrif as een van 50 finaliste vir: INSPIRASIE-VROU 2025. Gaan asseblief voor of op 30 Augustus na hierdie link: https://voelgoed.co.za/inspirasievrou/ 

Kliek op die Inspirasie-finaliste en scroll af na nommer 33 waar my foto is. Kliek op my foto. Daar sal julle SMS-nommers kry waar julle vir my kan stem: Stuur die SMS-stem/me wat jul wil stuur na 1 van hierdie nommers met my naam en van: Lelanie Roode nr 33 na:  33282 vir 1 stem, 39051 vir 11 stemme of 41014 vir 21 stemme. Ek sal dit opreg waardeer. Net dálk wen ek een van die lekker pryse. Dis veral die 2de prys: “Media-blootstelling”. Ekself is sleg met Bemarking – dit sal my BAIE help as ek só iets kan wen. 1000de dankies vir julle ondersteuning in hierdie groot voorreg wat my te beurt geval het om as een van 50-finaliste ‘n kans te staan.

Soos altyd laat ek julle met een van “Go-to-quotes” van: Victor Frankl: “Anyone can give up. It’s the easiest thing in the world to do – to give up. BUT… to hold it together when everyone else would understand if you fell apart, thát is true strength!” Ook in die lig van die romantiek waarin ek glo: “Sometimes, in the middle of ordinary life, LOVE gives us a fairy tale… embrace it!” 

Ek wens al my lesers ‘n “fairy-tale”-September-Lente-maand toe. Maak tyd vir romanse, wees oop daarvoor… Dis ‘n splinternuwe seisoen wat aanbreek.

Groetnis en Seënwense.

Voel Goed Inspirasie Vrou 2025

Hi liewe vriende/inne Ek is gekies onder die top 50 Inspirasie-vroue deur Voelgoed Tydskrif.
Scroll af en kliek op link.

Ek is nr 33.
Nou moet ek net stemme kry van die publiek dan mag ek dalk onder die top 10 land en in aanmerking kom vir die pryse?

Ek het van die begin af gedink die 2de prys: “Media-blootstelling” sal fantasties wees. Met my Boek en skryfwerk.
Gaan asseblief op die link hieronder en stem vir my op nr 33. SHARE as jy wil aan jou familie, vriende/inne as jy so voel? Dit mag dalk help?

Ek sal POST doen op Facebook en Instagram (ek het 2 profiles -privaat: Lelanie Roode en my Authorlelanie roode op Instagram.
Net dalkies haal ek daai top 10 en as dit Sy Wil is daardie media blootstelling prys. Sal fantasties wees vir my Skryfwerk en Boekbemarking📝✍️📘🐘📗💙💚
Link:
https://voelgoed.co.za/inspirasievrou/
Baie dankie
Lelanie Roode

NUUSBRIEF 28 JULIE 2025

Liewe Lesers,

Dit voel of ons Julie-maand gespring het! Soveel het gebeur.  Ek is bederf met ‘n heerlike lang kuier van my geliefde vanuit die Noordwes Provinsie. Sommer vir 16 dae aaneenlopend. Dit is ‘n goeie balans wat ons verhouding kry deur die langer tydperke wat mens mekaar sien. In hierdie tydperke bymekaar word die verhouding ook blootgestel aan die “mundane”, die alledaagse dag-tot-dag take en werke van saam mekaar lewe. Uiteraard is dit maklik om vir ‘n naweek of ‘n langnaweek, selfs vir ‘n week of tien dae op “honeymoon” te wees. In langer tye leer mens om saam te leef met die elke dag uitdagings van: huis, werk, kinders, kosmaak, herstelwerk, diere versorg, selfversorging, lees, tv-kyk, goeie dae en buie, slegter dae vanaf: “not a good-hair/skin-day” tot fantastiese dae wat goeie nuus bring, maar ook die dae van hartseer en teleurstellings, dinge wat nie uitwerk nie, gewone inkopie-dae, die sleep-my-voete-dae, die dans-dae en alles tussen-in. Die wonderlikheid is dan, om te besef: ons is netso sterk en lief vir mekaar as in die wittebrood-tyd. Ons liefde groei, verdiep en verbreed. Dis ‘n gemaklike, rustige, companionship & liefdesverhouding waarin romanse en vriendskap gebalanseer word met die vaste fondasie wat ons het vanaf skooldae af. Tog ook ‘n volwasse wysheid en lewenservaringe, wat ons moes meemaak deur die woestyne en oerwoude van later in ons lewens. Dit alles bring ons by die mense wat ons vandag is. Die littetekens is nie iets wat ons definieer nie, dit wys net wat ons oorleef het. Bo alles het ons ‘n God in die Hemele wat tyd, plek en geleentheid bymekaar plaas. My geliefde se woorde wanneer ek gespanne raak oor die toekoms, boekverkope, kinders, tyd, geld en alles wat mens kan oorweldig is altyd: “Onthou die Here is reeds daar voor! Hy kry jou daar.” Dan haal ek weer asem. Ek gee oor aan ‘n Vader wat alles in Sy Hande hou en werk voort soos Hy ons in Sy Woord beveel.

Daar is dae wat ek voor die rekenaar sit en wonder: Hierdie is ure, dae, weke en maande se voort-woeker(swoeg) en skryf. Wanneer gaan dit wys in my boekverkope? Gaan daar eendag ‘n skool of twee of drie wees wat voorloop en dit aankoop vir Afrikaans 2de taal vir die grade 11 en 12’s? Gaan iemand, ‘n sielkundige of onderwyser, ‘n ouer of adolessent sien, soos regtig rááksien wat ek hulle déúr dié romantiese swemstorie wil leer en wys? Gaan ‘n op-en-top Afrikaanse onderwyser/es insien dat daar langvrae uitgewerk kan word uit die simboliek wat ek soos ‘n goue draad deur die stories vleg? Die simbole van die: Sweefstok, die trapesium, hoe ek die risiko van liefhê gebruik in die sweef en val, die vashou en los van die sekere na die onsekere. Die veiligheidsnette onder jou of waarsonder jy liefde moet waag of nie? Dat die lewe met jou gebeur in siekte, dood, verloor, wen, podium, oorwinnings én uitdagings.

Gaan ‘n sielkundige/onderwysers, skoolberader en leser raaklees dat “toxic personalities” aangespreek en uitgewys word vir lesers wat: “Olifant op ‘n sweefstok” en die Opvolg: “Val & Sweef” deurllees? Dit waaraan ek só hard werk, om die verskillende karakters se persoonlikhede te ontwikkel. Dat dit identifeerbaar sal wees vir die fyn-leser wat dan die: People Pleaser, die Rebel, die Perfektionis, die Empaat, Egoïs, Narsissis, Introvert, Ekstrovert, Ambivert, Choleriese, Melankoliese, Flegmatiese en Sanguisniese -persoonlikhede sal raaksien? Dit hulle meer sal leer van ander en van hulleself.

Op hierdie stadium is dit: Geloof, Hoop en Liefde wat my dryf. Geloof dat God ‘n Groter, Goeie en Wonderlike Plan met my lewe en skryfwerk het. Hoop dat ek bó die radar sal uitstyg/sweef! En bó alles; my Liefde vir skryf en om ‘n verskil te maak in menselewens.  Te inspireer.

Hierby aangeheg is ‘n foto geneem in die Exclusive Books Somerset die afgelope week. Dit is hierdie Wonderwerke wat my aan die skryf hou. Ek is 4de geplaas in die top-keuses-van-die-week/maand? Ek weet nie hoe Exclusive Books se sisteem werk nie? Vir nou is nommer 4 (wat ook my gelukkige nommer is) wonderlik! Olifant op ‘n sweefstok is in dieselfde foto van: Mel Robbins se: Let Them-Theory-boek. Iets wat ek julle in ‘n vorige nuusbrief van vertel het.  Ek is ‘n groot aanhanger van Mel Robbins en dit is ‘n eer om spasie met haar te deel.

Ek vertrek weer 6-21 Augustus na my geliefde Cornelius in Noordwes Provinsie. Daar gaan ek verder werk terwyl hy werk. Ook bietjie rus van die opvolg-manuskrip wat ek vóór die 5de Augustus by my proefleser: Danie Botha moet aflewer. Dit sal dan Danie se taak wees in dié twee weke om die volledige 2de draft deur te redigeer. Ek is inderdaad benouder om die 2de draft by my studente-dogters te laat vir kommentaar… Hulle lees fyn en leef binne-in die wêreld van jongmense. Hulle sal vinnig vir my sê: “Mamma, niemand praat só nie!” óf “Mamma, juice bietjie hierdie of daardie love-scene op!” Daar is géén filters by mens se eie kinders nie. “They tell you as it is!” Wanneer ek terugkeer sal ek dan hulle kommentaar asook Danie se 2de draft redigering saam deurwerk in die 3de draft. Dan gaan dit na ‘n grammatikale proefleser. Wanneer ek dit óók weer deurgewerk het na ‘n 4de en laaste draft gaan dit na die laaste redigeerder, voor ek dit weer moet herskryf vir die publikasie-gereed-kopie. Nog báie werk wat voorlê. Maar dit is daardie ding van: “Hoe eet mens ‘n olifant?” Stukkie-vir-stukkie… Follow my op Instagram & Facebook. https://instagram.com/authorlelanieroode?igshid=MzRIODBiNWFIZA==

Ek laat julle met ‘n aanhalings: “Legacy is  not leaving something for people. It’s leaving something in people.” (skrywer onbekend) ook: “You don’t need anyone else’s permission to be happy. You are responsible for own happiness. Responsibility = Your abillity to respond. Let Them and Let Me.” (Mel Robbins – The Let Them Theory)

Groetnis tot volgende maand.

NUUSBRIEF 28 MEI 2025

Liewe Lesers,

Dis einde Mei-maand. Dis herfs in die Boland, Stellenbosch en amper reeds winter in die Noordwes-Provinsie, waar ek by my geliefde Cornelius kuier al vanaf 11 Mei. Ek vlieg terug Kaap toe Saterdag 31 Mei. Die “Commuter marriage” is uiteraard ‘n uitdaging.  Die weggaan is elke keer hartverskeurend. Tog, o die blye-blye weersiens na weke se afwesigheid… dit is elke keer soos om van voor af verlief te raak – op mekaar! En lief. Die liefde se kapasiteit word net groter en die diepte is eindeloos.

Hierdie maand van Mei het vir my en Cornelius weer van voor af laat besef: “‘n Mens kan jou planne hê, maar dit is die Here se besluit wat uitkom.” (Spreuke 19:21) Ons het paar idees gehad van: Hoe gaan ons in een dorp kan werk en wees? Miskien die einde van die jaar? Miskien eers volgende jaar of die jaar daarna? Dit is net die Here wat daardie deure sal kan oopmaak. Ons wag biddend daarop. Daar het al soveel wonderwerke in ons lewens gebeur, dat ons Hom vertrou ook vir die regte geleentheid om ons saam op dieselfde plek te plaas. Soos baie van julle weet: Om alleen te gaan slaap, alleen wakker te word in die oggend. Die groot bederf van koffie in die bed… Die Heilige Grond van saam Bybellees en saambid. Dit is net anders om dit saam te doen met die mens vir wie jy lief is as alleen. Ons is egter so dankbaar vir “video-calls” – om mekaar se gesigte te kan sien, liggaamstaal te kan “lees” oor ‘n kuberbeeld selfs oor 1500km. Ons dink met simpatie aan ons grootouers wat met posseëls op geskrewe briewe moes “vry”. Hulle moet twee tot drie weke wag vir ‘n brief in die pos. Dan weer daarop antwoord en die geliefde aan die ander kant, ander dorp of stad selfs lande (dan het die maande geduur) vir ‘n kosbare: “Hoe gaan dit? Ek is lief vir jou.” Nou doen ons daardie boodskappe per WhatApp, telefoon-oproepe en video-calls. Tog niks, niks niks kom by persoonlike kontak nie!

My drie weke hier in Noordwes was heerlik. Ek het met ‘n nuwe vriendin by die ATKV waar Cornelius ook werk gaan koffie drink. Die waarde van lewensstories deel moet nooit gering geskat word nie. Om nuwe vriendinne te maak is kosbaar. Ek het ook ‘n mede-NALEDI-outeur: CHRISTINE SHAW ontmoet by ‘n plekkie naby Hartebeespoortdam genaamd: JASMYN. Daar het ons wafels geëet by ‘n plekkie genaamd: “I love waffles.” Christine het ‘n boek geskryf: “Hoe ver nog?” en hoeveel van ons vra soms daardie vraag vir onsself, vir die Here, skreeu dit by tye die Universe in! “HOE VER NOG?” Christine en ek is albei deur traumatiese egskeidings. Dae en maande wat uit trane en vrae bestaan het. Tye wat mens nie die lig eers vir die volgende tree kan sien nie. Opstaan in die oggend en nie kans sien vir die dag nie, wat staan nog die volgende uur… En hoe ons gedra is. Deur ‘n God wat ons name ken. Deur vriende, familie en vreemdelinge. Deur ‘n NALEDI-uitgewery wat ons boeke publiseer en met ons ‘n pad stap. Onthou ons albei se boeke kan aanlyn bestel word  by: https://naledi.co.za/product/olifant-op-n-sweefstok/ of https://naledit.co.za/product/hoe-ver-nog/  Gebruik die aanlyn fasiliteit. Die koerier-koste tot by jou voordeur is ingesluit. Skakel NALEDI se PR: Tertia Swart: E-pos: tertia@naledi.co.za by 078 648 8616 of bestel die boeke deur jou kindle: https://amzn.to/4awU4aA 

Ek is steeds besig met my redigeerder: Danie Botha se regstellings van my eerste draft van die opvolg van: Olifant op ‘n sweefstok. Die werkstitel mag verander maar die Editing vorder. Op die redigering van die eerste draft” is dit amper asof jy as skrywer die hele manuskrip oorskryf. Ek het byna ‘n jaar lank aan die manuskrip spandeer. Nou met die Editing daarvan lees ek van nuuts af wat ek alles ‘n jaar gelede neergepen het. By tye verander ek sommer ‘n hele hoofstuk, ander kere is ekself beïndruk met wat ek geskryf het! Dat ek soms dink: Was dit regtig ek? En ja sowaar, so kom die hele verhaal (opvolg) weer lewend – speel die hele storie wat ekself uitgedink het voor my af… Dit is harde werk om die redigering te doen. Daar is dele wat die redigeerder vir jou sê: “Kill your darlings” hierdie is oorbodig – en dan het jy as skrywer eintlik gedink: Dis briljant! Dit is oorskryf, herskryf, weer-skryf, byvoeg en weglaat. Dit is aan die gebeur en dit is ook waarmee ek die res van Junie-maand mee gaan besig wees.

In die tussen-tyd het ek ook van my Draaiboek-Redigeerder: Daniel Dercksen van: The Writing Studio (daniel@writingstudio.co.za) in Prins Albert terugvoer gekry oor my eerste debuut roman: POORTE: Elke seisoen het ‘n storie. Hy het die POORTE draaiboek in Engels vertaal. Ek is kinderlik nuuskierig oor wat hy daarmee vermag het? Ek begin dit deurlees sodra ek klaar is met die Editing van Olifant se opvolg en ek dit terug besorg het aan Danie Botha om die redigering van die 2de draft te doen. Dus soos julle kan aflei: Daar lê ‘n besige-besige Junie-maand vir my voor!

Ek is steeds dankbaar vir elkeen wat die tyd neem om hierdie nuus briefies te lees. Elke leser wat vir ‘n vriend of vriendin van my vertel en aanmoedig om ‘n boek te koop. My boek of enige van ons outeurs by NALEDI. Ons het mekaar se ondersteuning baie nodig. Met die gedrukte media wat al hoe meer wil-wil uitsterf… en ‘n wêreld wat net meer digitaal word, is elke leser se boekaankopie goud en edelstene werd! Dankie-dankie vir julle!

Ek wens julle almal ‘n goeie Junie-maand toe. Wees warm en knus in hierdie eerste wintersmaand van 2025. Wanneer dit ook “winter” in jou hart of lewe voel, skryf gerus vir my ‘n E-pos, ek antwoord soos en wanneer ek kan: (lelanieroode@gmail.com) Skryf vir my van jou “winters” en skryf vir my van jou wonderwerke. Ons het mekaar nodig – nie net in slegte dae/seisoene nie maar ook in die goeie dae, maande en tye. Ek laat julle met die verse wat vir my en my geliefde hierdie Mei-maand uitgestaan het:        (Job 22:21-30.) Gaan lees dit gerus. Laat daar ‘n VREDE en blydskap oor julle kom en gaan wees in die wete dat ons Here vir ons alles ten goede WIL laat uitwerk.(Romeine 8:28) Ons moet Hom net vertrou, ons lewe en planne aan Hom oorgee. (Spreuke 19:21)

Ek lees ook verder in die motivering-spreker: Mel Robbins se boek: LET THEM:  en ek haal spesifiek ‘n aanhaling in haar boek aan op bladsy 70: “Yes, it may take you six months to land something amazing (of in my geval amper 55 jaar!) but those six months (of jare) are going tog o by whether you do nothing, OR you go after what you want.” Gaan volg haar op Instagram (nadat julle my ook gaan volg het natuurlik: (https://instagram.com/authorlelanieroode?igshid=MzRIODBiNWFIZA==  Sy het ongelooflike inspirerende podcasts, reels en stories! Tot volgende maand –

Groetnis

NUUSBRIEF 29 APRIL 2025

29 APRIL 2025 NUUSBRIEF

Liewe Lesers,

Ek wag ook elke maand tot op die laaste dag. April-maand is daardie maand wat dit woes gaan. Mens moet werk maar die publieke vakansie-dae forseer jou om ook net stil te word. In die Heilige Paastyd weer by Sy voete te gaan sit.

Ek het vele besoeke gehad hierdie afgelope maand. My geliefde man en lewensmaat Cornelius het kom kuier einde Maart na begin April. Die “commuting” tussen provinsies bly steeds tweeledig: Uitdaging versus Lekker kuier/wittebrood-tyd-oor-en-oor… Ons verlang ons harte sat na mekaar in die afwesige tye. Ons vul ons hart-tenke weer vol met elke weersiens. My een vriendin verwys al na ons “commuting” as: “Lelanie, is jy in Stellenbosch? Is dit jy ‘n werks-week? Of is jy (alweer)  op ‘honeymoon’-week?” Ek lag lekker daaroor want sy is SO reg! Die wonderlike vlinders-op-die-maag-gevoel bly aaneenlopend deel van ons diep-geborge verhouding.

Dit is maar één van die BAIE dinge waarvoor ek vir ons Hemelse Vader net dankie-dankie sê het – elke dag maar veral in hierdie Paastyd. Die mooi maand van April was ook my en Cornelius se een jaar Belofte-herdenkings-maand gewees. Op 4 April 2024 het ons twee her-ontmoet 36 jaar later wat ons saam op hoërskool was. Naweek van 25-27 April 2024 het hy vir die eerste keer na daardie her-ontmoeting vir my kom kuier in Stellenbosch. Op 27 April 2024 het ons besef en erken dat God in ons verloop van gebeure en tydlyn nog altyd was en is. Ons het trou aanmekaar belowe op 27 April 2024 en ons is een jaar later net gelukkiger (indien moontlik) as daardie heilige Sondag wat ons ‘n rustende maar tog baie diep liefde van jongdae af – inteendeel – volgens wat my dierbare moeder gesê het: Vanaf voor die grondlegging van die aarde was dit reeds so bepaal aan mekaar hardop erken. Die storie van ons liefde en die verloop daarvan sal nog in ‘n boekvorm uit my pen verskyn… Ek gaan dit nie in hierdie nuusbrief weggee nie. (Ek wil inderdaad my lesers aan die lees hou!) Ons het ‘n unieke, kosbare, interessante en so ‘n heilige samevoeging, ineenloping van ‘n tyd-sensitiewe goue draad – regdeur ons lewens verweef… Soveel so dat ons dit eers in retrospeksie kon raaksien. Daardie dag toe die skille van ons oë afgeval het en ons mekaar raakgesien het – werklik raakgesien het… Ons hou dit ‘n geheimenis – dit sal verskyn en openbaar word – tyd.

April was ook familie-tyd. My broer en sy gesin was by my. Ons het na Andrea Bocelli gaan kyk. Dit was ook ‘n goddelike heilige sielsverrykende ervaring. Kosbaar om my ma en broer-hul by my te kon huisves. Familiebande te versterk, te lag en net heerlik saam te kuier. Ook van my (eks) skoonfamilie – wat inderdaad vriende is het kom kuier. Dit is wel moontlik al klink dit snaaks om uit te spreek – (eks) skoonfamilie? Wat is dit? Dit is wanneer jou eks-man eensydig besluit om van jou te skei. So word jy (ek) ons dan noodwendig deel van die land se enorme egskeidings syfers. Wel… dit mag dan wel so wees, maar dit beteken nie dat net omdat die eks ‘n lewens veranderende besluit geneem het nie, daardie besluit op jou wat agterbly (almal wat agterbly) se lewens ook ‘n “egskeiding” moet plaasvind nie. Nee. Eks-skoonfamilie is en word na amper 30 jaar vriende. Hulle en jy is vir mekaar lief. Hulle en jy het maak dan gelukkig die wonderlike besluit: Die feit dat die eks-man wou skei is nie te sê dat die familie wat ook vriende is moet skei nie. Dan het die eks moes “gewen”. Iemand anders se besluite moet nooit jou keuses van assosiasie en keuses van dis-assosiasie beïnvloed nie. Dus: ek en my (eks) skoonfamilie, swaers, skoonsussies het steeds fantastiese verhoudings buite en om die ou-egskeidings-olifant wat tussen ons staan. Ons werk en gesels, kuier, praat, eet, huil soms, lag baie en ken mekaar se lief en leed soos altyd – vóór die egskeiding. Daardie familie het ook vir mý kom kuier. Die samesyn was ‘n wonderlike tyd.

Ek lees een oggend in Habakuk 2: 1-7 “….Die Here het toe vir my gesê: Skryf wat Ek aan jou gaan openbaar duidelik op kleitablette sodat mense dit sommer in die verbygaan kan lees. Die openbaring geld vir ‘n bepaalde tyd; dit sal gou kom en sal sekerlik gebeur. Jy moet net geduldig bly wag as dit nie gou kom nie, want dit kom verseker, dit sal nie uitbly nie. Dit is die boodskap: Wie nie reg gesind is nie sal sy verdiende loon kry, maar wie reg doen, sal lewe omdat hy getrou bly. ‘n Hooghartige mens wat hom deur sy rykdom laat mislei sal nie in sy doel slaag nie…”

Ek kry ‘n E-pos in my inbox-advertensie in my inbox van: https://voelgoed.co.za/inspirasievrou/  en Cornelius herinner my aan Habakuk 2. Dit is waar ek besluit: Ek wil deelneem. Meer nog, ek gaan van my vriendinne vra om my te nomineer? Hoekom nie? Ek wil inspireer. Dit is AL wat ek nog altyd wou doen! Met my boeke, met my lewe, hoe ek lewe. Alles in my wese is gerig op my doel op aarde: “MAAK ‘N VERSKIL.” Ek besef die kompetisie eindig 30 April! Inderhaas kontak die mense naaste aan my en vra hulle almal vriendelik: GROOT asseblief, nomineer my? En sowaar, hulle almal sê: “Ja! Sekerlik. Wat moet ons doen?” En so kom dit toe dat baie mense kies van die foto’s wat ek aan hulle stuur en daar is ek genomineer as: “Hoekom dink jy/ek dat Lelanie Roode kan inspireer?” Dus as julle, die lesers wat nou hier lees my nuusbriewe dophou sal ek julle in kennis stel om hopelik teen Augustus – AS (maar kom ons gebruik die woord: WANNEER ek die langlys en daarna WANNEER ek die kortlys van nominasie wen, julle kan stem vir die persoon/vrou wat julle reken ‘n INSPIRASIEVROU is? Ek weet daar is baie. Daarom is dit nie in die minste my bekommernis om selfs nie daardie lys te haal nie. Want dan kan ek steeds leer by dié wat daar uitstaan. Ek is kinderlik opgewonde oor hierdie Inspirasievrou-ding. Dit is waaroor ek meer en meer wil leer om aktief toe te pas. Om te inspireer is ‘n POSITIEWE platform. Afrikaanse romanses is nie almal se koppie tee nie… maar om meer net as gewonde “human being” jou platform te gebruik – dit is “real life” en nie fiksie nie. Ek praat met my webtuiste-bestuurder Donovan Risk van AEON- WOLF en hy stem saam. Hy sê: “Om jouself as “brand” op te bou is baie beter. Dit maak enigiets wat jy doen soveel meer effektief en persoonlik en later weergalm alles saam en bring/stoot alles saam boontoe!” Dit klink vir my na ‘n beter koers – want dis reallife – inspiration en ek hak net die fiksie daaraan vas. As wat ek die fiksie probeer bemark en reallife aan dit te probeer vashak!Op hierdie inspirasie-noot groet ek julle vir April-maand. Gaan lees Habakuk. Skryf wat jy in jou hart voel brand om te doen neer sodat mense dit sommer in die verbygaan sal kan lees. En doen dit dan! Wees geduldig want weet – vasberadenheid en determinasie is deel van die reis. Gaan kyk wat is in jou huis: 2Konings 4:1-7. “Gebruik en werk met wat jy het!” Ons gesels volgende maand meer hieroor.                            

Groete en seënwense vir die maand van Mei 2025!

NUUSBRIEF 30 MAART 2025

Liewe Lesers

Maart maand was die maand wat ek: Olifant op ‘n sweefstok se opvolg: Sweef en val voltooi het. Dit is op die oomblik by my proefleser Danie Botha. Hy is ook besig met die redigering van my eerste roman: POORTE: Elke seisoen het ‘n storie. Dit is die roman wat ek in 2000 publiseer het by: www.biblaridion.co.za Uitgewers in Pretoria. Ek het dit saam met my kinderboek stories gepubliseer: KERNEELSIE KASKENADES. Danie Botha gaan ook die tweede draft van die opvolg: Sweef en val redigeer. Daarna sal ek die derde draft se nodige editing doen. Vandaar vertrek die derde manuskrip na nóg twee redigeerders alvorens dit eers na NALEDI gaan vir publikasie. Gedurende die verwerking en redigering deur die laaste twee redigeerders word die voorblad en die agterplat ontwerp en geskryf. Dit is ‘n proses van skryf, herskryf, oorskryf, weer-skryf, oor-en-oor deurlees voor dit uiteindelik by júlle my lesers arriveer

Ek is ook in daardie tye van die tweede en derde redigeerders besig om die kort-kort draaiboek te skryf van die LOKPRENT. Ek is een van die min Afrikaanse skrywers wat vir my roman ‘n Lokprent skryf en laat skiet. My tweeling dogters het ook ingestem om weer vir my in die Lokprent te speel in die rolle van Martinette en Ansje. Indien enige van julle, my lesers belangstel om in hierdie Lokprent een van die karakters se rolle te speel kontak my of laat vir my ‘n boodskap op my webtuiste. My webblad bestuurder, Donovan Risk die eienaar van AEON WOLF (PTY)LTD (Website management and maintenace) sal sorg dat enige E-posse en of boodskappe by my uitkom.

Ek en Cornelius kuier hierdie laaste week van Maart asook die laaste week van April bymekaar. Ons doen steeds die “commuting”-ding en glo dat op ons Vader se beste Tyd en Geleentheid sal Hy vir Cornelius ‘n werk-geleentheid in Stellenbosch oopmaak. Daar is honderde paartjies wat dit doen – met suksesverhale. Ons is van plan om een van daardie sprokiesverhale te wees en te word wat die inter-provinsiale kuiertjies oorleef. Die verlange tussen-in is  egter baie erg.

Ek gaan in Mei-maand weer op Noordwes-Provinsie toe. Ek en ‘n mede-skryfster vriendin, Christine Shaw, outeur van: “HOE VER NOG?” ook uitgegee deur NALEDI beplan ‘n Boekgesprek saam in Pretoria. Gaan koop gerus haar boek: (https://naledi/product/hoe-ver-nog/) Dit s ‘n vertelling oor reis op jou eie. Wat gebeur onder die genade-sambreel van ‘n groter prentjie. ‘n Groter prentjie, ‘n groter storie, ‘n reis van beplan en begin, van val en opstaan en weer begin, van herbereken, van heel word en herstel. Ek sal in die April-nuusbrief meer hieroor kan vertel en wanneer ek en Christine ‘n boekbespreking gaan doen? Sy sal vrae vra oor: Olifant op ‘n sweefstok – bestel nou indien jy nog nie het nie? Of koop dit aan vir iemand as geskenk en bring hom of haar saam na daardie praatjie. (https://naledi.co.za/product/olifant-op-n-sweefstok/) of (https://amzn.to/4awU4aA)  sy sal dan ook vir my kan meer uitvra oor die opvolg: Sweef en val.

Alle seënwense vir die maand van April. Ek verjaar die 14de April, dus weet ek hierdie sal ‘n mooi maand wees, watter vorm dit ook al aanneem. Die herdenking van jou geboortedag is iets wat gevier moet word: Die aanhaling is: “The most important dates of our lives are: The day you are born and the day you find out why?” Ek wil ‘n verskil maak met my stories. Ek kan en wil met die hulp van my Hemelse Vader wat my gevorm het in die moederskoot my doel uitleef. Om sover ek menslik dit kan doen, te inspireer en moed in te praat vir dié wie se arms slap hang. Die lewe is kort – leef dit. Die lewe is lank – oorleef dit. Verkieslik met vreugde en blydskap, maar ook deur soms net te dans in die reën. Hoe sal ons vreugde herken wanneer ons nie deur hartseer moes worstel nie? Hoe sal ons die son op ons vel kan waardeer as ons nie ook die reëndruppels op ons kop kan voel nie? Ontvang die sonstrale saam die donderweer-blitse. Elkeen op eie meriete en skoonheid.

Alle voorspoed en groete

NUUSBRIEF 28 FEBRUARIE 2025

Liewe Lesers

Gaan na die link: https://iono.fm/e/158982 op Kaapse Kansel 729 AM – program -deur Mercia Eksteen van die ATKV. Op 21 Februarie word jaarliks die belangrikheid van Moedertaal gevier. Daar word ‘n onderhoud met Kalle Julius gevoer. Luister gerus na hierdie potgooi. Ek het ook iets daar iets gesê oor Afrikaans as moedertaal. Ek praat ook op ‘n ander potgooi van Kaapse Kansel 729 AM link: https://iono.fm/e/1526749 oor Wêreld Hardop Leesdag. www.capepulpit.co.za wat jaarliks gevier word op die eerste Woensdag van Februarie. (5 Februarie 2025).

Met my geliefde Cornelius Smit wat by ATKV Buffelspoort werk het hy vir my soveel deure oopgemaak wat die ATKV en Kaapse Kansel 729 AM my gee. Een van die wonderlike mense wat hy my aan voorgestel het was dan ook Mercia Eksteen. Sy gaan later die jaar ‘n volledige onderhoud met my voer oor my eerste boek: Olifant op ‘n sweefstok en die opvolg daarvan: Sweef en Val.

Die goeie nuus is dat ek (uit)eindelik klaar is met die manuskrip van: Sweef en Val. Die opvolg van: Olifant op ‘n sweefstok. Die manuskrip is tans by my proefleser: Danie Botha. Hy is besig om die manuskrip te redigeer. Ek en Danie Botha sal twee maal deur die manuskrip werk. Om ‘n boek te skryf neem 3-4 “drafts”. Wanneer ons klaar is met die 2de draft, sal die manuskrip na ‘n volgende redigeerder gaan. Ek werk deurgaans aan die editing van die verskillende redigeerders. Ons sal begin ontwerp aan die voorblad en ‘n publikasie-datum in ons almanakke neer te pen. Die bekendstellings en boekpraatjies se beplanning, voorbereiding, plekke, mense en bemarking is alles gebeure wat in die volgende paar maande lê. Natuurlik ook die skiet van die Lokprent vir Sweef en Val. Ek het met Olifant op ‘n sweefstok die tendens begin om ‘n lokprent (Booktrailer) te maak. Dit is om vir my lesers ‘n visuele prentjie (kort-film) te gee oor wat in die boek gebeur? ‘n Lusmaker om lesers nuuskierig te maak oor wat volgende in die lewe van die karakters in Olifant op ‘n sweefstok gebeur?

Ek kuier hier op Buffelspoort saam my geliefde lewensmaat Cornelius. Ons is steeds in ‘n “commuting”-lang afstand tussen Stellenbosch en Buffelspoort. Ons hoop en bid ons Vader se Guns om vir hom ‘n deur oop te maak in die Wes-Kaap. Ons het in hierdie tyd verskillende wonderlike aktiwiteite en vertonings bygewoon. By Monte Casino het ons gaan kyk na: “My Fair Lady”. Wat ‘n uitstekende vertoning! Gaan kyk dit gerus. Die choreografie is fenomenaal! Die vertoning van hoogstaande gehalte en die humor is fyn-fyn en uitstekend uitgevoer. Die kostuums en klere is asemrowend!

Ons het ook die: The Elephant Sanctuary besoek te R104 Old Rustenburg Rd. Hartbeespoortdam.  Ons het die mooiste video laat maak daar:  Die video is aangeheg by hierdie nuusbrief. Ek as outeur se vir die personeel by The Elephant Sanctuary baie dankie dat hulle my die geleentheid gegee het om my boek saam die Olifante te kon vertoon. Ons het die mees ongelooflikste dag gehad met hierdie reuse diere. Dit was ‘n voorreg om langs hulle te kon stap, voor hulle te loop. Ons kon aan hulle raak, hulle voer en die een het my selfs ‘n soen gegee! Om die skurwe vel te kon voel onder jou hand, aan die sagte flap-ore te vat en so naby hulle te kon wees was iets wat mens nooit in ‘n Wildtuin of selfs Dieretuin sal kan doen nie. Besoek en ondersteun hierdie Reservaat gerus. Daar is ook ‘n aparte toer vir seldsame aapsoorte.

Hiermee dan sluit ek af met John Holmes se aanhaling: “There is no exercise better for the heart than reaching down and lifting people (and animals) up.” Daar is soveel gemeenskaps- projekte waaraan mens kan deelneem en ‘n verskil kan maak.  Luister gerus na Radio Kaapse Kansel op 729 AM. Raak betrokke by mense en diere en skielik is jou eie probleme nie meer só groot nie.

Ons gesels weer in Maart-maand. Ek wens al my lesers ‘n geseënde dag, week en maand verder. Geniet wat julle doen en doen wat jou hand vind om te doen. Volg jou hart en neem jou brein saam op die reis. Saam is dit ‘n formidabele span, wat wanneer jy dit met passie, entoesiasme, energie en liefde saamgaan word jou werk vir jou iets waarmee jy ‘n verskil kan maak.

Groete en seënwense.

NUUSBRIEF 30 DESEMBER 2024

Liewe Lesers

Hier is ons by Kersfees verby en op ons pad ou/Nuwejaar toe. Wat ‘n jaar was 2024 nie vir ons gewees nie? ‘n Ongelooflike jaar wat verby is. 

Op 26 Maart 2024 kry ek ‘n skrywe (E-pos) van NALEDI wat vir my die goeie, blye nuus meedeel dat Naledi ‘n opvolg-boek kontrakteer vir: Olifant op ‘n sweefstok. Die datum is vir my ‘n keerpunt. Want 26 Maart 2023 was die dag wat ek amptelik geskei het in die hof. Self was ek nie daar gewees nie. My eks het dit bygewoon en my prokureur namens my. Die geskeides wat onder die statistieke val sal weet dat dit ‘n datum is wat mens onthou. Tog, verskyn daardie dag en datum een jaar later op ‘n heel ander kontrak en verander dit die betekenis daarvan. So werk ons Vader in die Hemel. Hy is in die tydsverloop. Hy loop voor ons uit en is alreeds in ons toekoms en elke dag, datum, uur en minuut. Hy bepaal wie jou pad gaan kruis en wie nie. Wanneer jy waar gaan wees of nie. In 2024 het ek ‘n hele paar sulke Divine Appointments gehad. 

Gaan terug na my vorige nuusbriewe en julle sal dit raaklees. Op 4 April 2024 doen ek my Gauteng Boekbekendstelling en daar stuur ons Vader in die Hemel vir my my lewensmaat. ‘n Skoolmaat saam wie ek op skool was. Saam vanaf Graad 8-12. Saam gekies op die Graad 11 leerlingraad. Saam onderhoof-seun en onderhoof-dogter in matriek. Nooit iets aangehad op skool nie. Ons her-ontmoet by die Gauteng-boekpraatjie. Die res is geskiedenis. 

Soos hy my hand neem en my ‘n drukkie gee vlieg vergete vlinders binne-in my uit hulle papies. Ek besef ek is toe nie dood nie… Ek moet ‘n tweede asem skep toe ek vir myself afvra: Is hierdie gevoel op 54 jaar nog moontlik? So kom ons albei te wete dat ons deel van die traumatiese egskeidings-statistieke geword het van huweliksmaats wat ontrou was. Niemand kan sê dit is maklik of nie kompleks om ‘n verhouding na vyftig jaar te hê nie. Ons almal kom met ons pakkies bagasie wat deur die jare opgehoop het. Tog, in Genade en liefde help ons mekaar afpak, wegpak, ontlaai, herlaai en bou ons weer iets nuuts. Dit gaan stadig. Soms voel mens gefrustreerd. Vra mens: “Kan dinge nie net uitwerk vir ‘n slag nie? Hoe lank moet mens wag vir al die legkaart-stukkies om inmekaar te pas?” My lewensmaat Cornelius se woorde weerklink baie: “Die Here is nie haastig nie, maar Hy is deeglik!” Ons loop in Sy skadu, op die pad wat Hy aandui. Ons leef in diepe afhanklikheid van soms net genoeg Lig vir die volgende tree… 

Op die vooraand van 2025 moet en kan ek verklaar: “Wat ‘n reis!” In hierdie jaar het ek soveel Wonderwerke gesien. Het ek en hy heel geword. Ja, daar sal altyd littetekens wees van ‘n geskiedenis van seerkry. Maar soos iemand eendag baie wys opgemerk het: “Scars do not tell your story of where you are going. It only shows what you’ve survived and tell the story of a future so beautiful that the scars will not even matter.” 

Op 7 Desember2024 doen ons die STRAND LEESFEES. Cornelius Smit – my lewensmaat is ook my onderhoudvoerder vir: Olifant op ‘n sweefstok. Hy is ‘n uitstekende spreker en ons hou die gehoor langer besig as wat ons beplan het, maar niemand het gekla nie. Hierby is ‘n paar foto’s aangeheg van daardie dag. ‘n Video of 2 of 3. Kyk gerus en stuur vir my jou terugvoer op my NALEDI-review-page: https://naledi.co.za/product/olifant-op-‘n-sweefstok/

Die nuwe jaar lê propvol nuwe dinge. Ek wil graag hoërskole besoek met my boek: Olifant op ‘n sweefstok. Ek is oortuig dit sal baie goed vaar in die Afrikaanse tweede taal-baan en wil dit sover moontlik daarvoor bemark. Ek wil ook meer konsentreer op Skryfskole en Motiverings-praatjies. 

Ek is druk besig met die opvolg-boek: SWEEF EN VAL en NALEDI glo ons sal dit teen Mei/Junie of laatste Julie 2025 publiseer. Ek wil soveel as moontlik boekfeeste, boekpraatjies, boekklubs, biblioteke en skole besoek. Ek is ook besig om ‘n groter online-sigbaarheid te probeer ontwikkel en ek vra u om my Instagram Author-page te gaan follow. Ek wil nie een van die massas word wat “followers” najaag nie, tog is dit ‘n feit dat die kuberruim en aanlyn sosiale media ‘n kragtige bemarkings-intrument is. Help my asseblief om dit tot my en my lesers se voordeel aan te wend? Hoe groter sigbaarheid ek op daardie platforms kan kry hoe beter vaar my boek(e) en hoe meer kan ek aanhou skryf om vir julle as lesers stories te kan voorsien om die realiteit van elke dag se lewe net bietjie op te juice! 

Dit is noodsaaklike emosionele en psigiese ontvlugting om ‘n goeie boek te lees wat jou kan wegvoer na ‘n wêreld waar jy net kan ontspan, jou hare kan laat hang en deel kan raak van hoe dit voel om weer-en-weer-en-weer verlief te raak. Vlinders op die kol van jou maag te voel, jou oë te sluit en te reis op ‘n ruimteskip na sterrestelsels en melkweë wat jou weer krag en energie gee vir jou dagtake, jou werkies groot en klein. 

‘n Wonderlike Oujaar en fantastiese 2025 wens ek al my lesers toe. Dankie vir julle ondersteuning. Julle gebede, julle lees van my nuusbriewe en aankoop van my boeke. Ek hou aan met skryf omdat ek mense in my lewe het soos julle. Dankie-dankie daarvoor.

Ek sluit af met my gunsteling vers: Sefanja 3: 17 “Die Here jou God is by jou. Hy, die krygsman wat red. Hy is vol vreugde oor jou. Hy is stil-tevrede in Sy liefde. Hy jubel en juig oor jou.”

Seënwense vir die laaste dae van 2024 en Voorspoed in Oorvloed  vir elke tree van

2025.

Groete

Load More